‘अल्फा टू ओमेगा’ न्युजलेटर - डिसेंबर २०१९

डिसेंबर २०१९

संपादकीय

हरि ॐ श्रद्धावान सिंह,

वेळ हा चुटकी वाजवल्यासारखा क्षणात उडून जातो. आपण सर्वजण प्रत्यक्ष अनुभवणार असलेला अनिरुध्द भक्तिभाव चैतन्य हा महासत्संग सोहळा अगदी काही आठवड्यांवर येऊन ठेपला आहे. ह्या भव्य सोहळ्याची सर्व तयारी अत्यंत जोशात सुरु आहे.

१८ नोव्हेंबर - म्हणजे आपल्या लाडक्या सदगुरु श्री अनिरुध्दांचा वाढदिवस! त्यामुळेच नोव्हेंबर महिना हा प्रत्येक श्रध्दावानासाठी अगदी विशेष महत्त्वाचा असतो.

त्रिपुरारी पौर्णिमेच्या अत्यंत पवित्र दिवशी सद्गुरु श्री अनिरुध्दांचा जन्म झाला.

म्हणूनच ह्या दिवशी आपण सर्व श्रध्दावान अत्यंत प्रेमाने त्यांचा वाढदिवस अनिरुध्द पौर्णिमा उत्सव म्हणून साजरा करतो.

ह्या उत्सवानंतर सदगुरु पादुका प्रदान सोहळा आयोजित केला जातो, ज्यात ह्या वर्षी ७२ नवीन अधिकृत उपासना केंद्रांना सदगुरु श्री अनिरुध्दांच्या पादुका प्रदान करण्यात आल्या.

Contents

• संपादकीय
• श्री अनिरुध्द पौर्णिमा आणि सदगुरु पादुका प्रदान सोहळा
• श्री वैभव लक्ष्मीपूजन उत्सव
• पिपासा ५ प्रक्षेपण आणि अनिरुध्द भक्तिभाव चैतन्य महासत्संग
• रक्तदान शिबीर
• पाली वैद्यकीय आणि आरोग्य शिबीर
• अनिरुध्दाज अ‍ॅकॅडमी ऑफ डिझास्टर मॅनेजमेंट (एएडीएम)

अल्फा टू ओमेगा न्युजलेटर – मासिक संस्करण

वर्ष ५ | अंक १ | डिसेंबर २०१९ | १

अल्फा टू ओमेगा न्युजलेटर – मासिक संस्करण

श्री अनिरुध्द पौर्णिमा आणि सदगुरु पादुका प्रदान सोहळा

लाखो भक्तांचे श्रध्दास्थान असणार्‍या सदगुरु श्री अनिरुध्दांचा जन्मदिवस म्हणजेच अनिरुध्द पौर्णिमा. सदगुरु श्री अनिरुध्द बापूंचा जन्म ’त्रिपुरारी पौर्णिमा’ १८ नोव्हेंबर १९५६ रोजी झाला.

त्रिपुरारी पौर्णिमा हा दिवस प्रत्यक्षात अत्यंत पवित्र व पावन आहे, कारण ह्याच दिवशी २००९ मध्ये त्रिविक्रमाचे सर्वात पहिले पूजन प्रकट स्वरूपात केले गेले. ह्या वर्षी त्रिपुरारी पौर्णिमेच्या पावन दिवशी प्रत्येक श्रध्दावानाने श्री अनिरुध्द गुरुक्षेत्रम्‌ येथे जाऊन स्वयंभगवान त्रिविक्रमाला बिल्वपत्र आणि सुगंधित जल अर्पण केले.

ह्या सोहळ्याला येणारा प्रत्येक श्रध्दावान सदगुरु दर्शनाच्या अलौकिक क्षणाची अत्यंत आतुरतेने वाट पहात असतो.

सद्‌गुरुंच्या दर्शनाच्या सुंदर स्मृती प्रत्येक श्रध्दावान आपल्या हृदयात शेवटपर्यंत जतन करून ठेवतो.

प्रत्येक श्रध्दावानाला सदगुरु श्री अनिरुध्दांच्या दर्शनाची, प्रेमाची आणि कृपेची उत्कंठा लागलेली असते, ज्यांच्या क्षणमात्र दर्शनाने त्यांचे जीवन पौर्णिमेच्या पूर्ण चंद्राच्या सौम्य, आल्हाददायक प्रकाशाने भरून जाते - हा प्रकाश असतो अनिरुध्द - अमर्यादीत, अविरत आणि न थांबवता येणारा आणि भक्त जाणत असतो की ह्यानेच त्याच्या जीवनातील सर्व अंधार पुसून टाकला जाणार आहे.

त्यांच्या जीवनातील प्रत्येक दिवस, प्रत्येक क्षण हा अनिरुध्द पौर्णिमाच होणार आहे.

अनिरुध्द पौर्णिमेनंतर पादुका प्रदान सोहळा असतो , ज्यात अधिकृत उपासना केंद्रांना नवीन पादुका प्रदान केल्या जातात.

जगभरातील सर्व उपासना केंद्रावरचे श्रध्दावान श्रीहरिगुरुग्राम येथे एकत्र जमतात आणि सदगुरु श्री अनिरुध्दांवर रचलेल्या हृदयस्पर्शी गजरांवर नाचून अनिरुध्द भक्तिभाव चैतन्यात आकंठ बुडून जातात.

काही श्रध्दावान दुसर्‍यांना नाचताना पाहून आनंदीत होतात, काहीजण गटामध्ये एकत्र नाचून आनंद व्यक्त करतात, तर काहीजण स्वत: नाचून आनंदीत होतात. प्रत्येकजण आपापल्या परीने सद्गुरु भक्तिभाव चैतन्यात आकंठ बडून जातो!

श्री वैभव लक्ष्मीपूजन उत्सव

मार्गशीष महिना हा सर्वात पवित्र महिना मानला जातो आणि ह्याच महिन्यात श्रध्दावान ’वैभवलक्ष्मी व्रत’ करतात. वैभवलक्ष्मी देवता ही भगवान महाविष्णूची जीवनशक्ती-चेतना शक्ती आहे.

तीच महाविष्णूच्या कार्याचा आधार - श्रीविद्या आहे! लक्ष्मी देवता महाविष्णूच्या चरणकमलांशीच निवास करते आणि जेथे परमात्मा महाविष्णूच्या चरणांचे पूजन केले जाते तेथे ती वास करते आणि आनंद प्रदान करते.

`पावित्र्य हेच एकमेव प्रमाण’ ह्या एकमात्र तत्त्वाला अनुसरून लक्ष्मी मातेला आवडणारे ५ गुणधर्म म्हणजे - स्वच्छता, मेहनत (कष्ट), सबूरी, भक्ती आणि उचित ठिकाणी केलेले सत्पात्री दान!

दरवर्षी श्रीक्षेत्र जुईनगर येथे वैभवलक्ष्मी पूजन अत्यंत उत्साहाने साजरे केले जाते.

मार्गशीर्ष महिन्यातील प्रत्येक शुक्रवारी हा उत्सव साजरा केला जातो आणि खूप मोठ्या संख्येने श्रध्दावान ह्या पूजनात सहभागी होतात.

श्रीक्षेत्र गुरुकुल जुईनगर येथे साजरा केला जाणारा वैभवलक्ष्मी उत्सव हा भक्तिभाव चैतन्याचा उत्सव आहे ज्यातून प्रत्येक श्रध्दावानाला चिरंतन भक्तिभाव चैतन्य प्राप्त होते.

पिपासा ५ प्रक्षेपण आणि अनिरुध्द भक्तिभाव चैतन्य महासत्संग

अगदी काही आठवड्यांवर येऊन ठेपलेल्या ३१ डिसेंबर २०१९ रोजी होणार्‍या अनिरुध्द भक्तिभाव चैतन्य महासत्संग सोहळ्याचे आपण साक्षीदार होणार आहोत.

अल्फा टू ओमेगा न्युजलेटर – मासिक संस्करण

वर्ष ५ | अंक १ | डिसेंबर २०१९ | २

अल्फा टू ओमेगा न्युजलेटर – मासिक संस्करण

सदगुरु श्री अनिरुध्दांनी सुमारे एका वर्षापूर्वीच आपल्याला भक्तिभाव चैतन्य ह्या संकल्पनेची ओळख करून दिली. श्री अनिरुध्दांनी सांगितले की सदगुरुतत्वाच्या नाम, रुप व गुणांमध्ये प्रेमाने पूर्णपणे समरसून जाणे आणि त्याला वेळोवेळी पुन्हा पुन्हा आठवत राहणे, त्याच्याच स्मरणात राहणे म्हणजेच ’सदगुरु भक्तिभाव चैतन्य’.

सद्गुरु भक्तिभाव चैतन्यात रममाण होण्याचा सर्वात सोपा राजमार्ग म्हणजे सदगुरूंवर रचलेल्या अभंगांना प्रेमाने ऐकत राहून, त्याच्याच नामात, रूपात आणि गुणसंकीर्तनात (लीलांमध्ये, गुणांमध्ये) आनंदाने तल्लीन होणे. भक्तीभाव चैतन्य म्हणजे सदगुरुंच्या चिरंतन प्रेमात, कृपेमध्ये त्याच्याच नामाची महती गात, त्याच्याच प्रेमाच्या लाटांमध्ये आकंठ डुंबून सदगुरुंच्या प्रेमाच्या वर्षावात जेथे जेथे आणि जेव्हा जेव्हा शक्य असेल तेव्हा तेव्हा सदैव स्वत:ला रममाण करत राहणे!

श्रीहरिगुरुग्राम येथे २१ नोव्हेंबर २०१९ रोजी सद्गुरु श्री अनिरुध्दांच्या प्रत्यक्ष उपस्थितीत गूंज उठी पिपासा - भाग १ च्या हिंदी रचनांसह पिपासा ५ चा अभंग प्रकाशन सोहळा संपन्न झाला.

अनिरुध्द भजन म्युझिक ॲपवर २५ ऑक्टोबर २०१८ रोजी प्रकाशित झालेला पिपासा ३ अल्बमसंग्रह आणि १४ फेब्रुवारी २०१९ रोजी प्रकाशित झालेला पिपासा ४ अल्बमसंग्रहा पाठोपाठ, पिपासा ५ अल्बमसंग्रह सुध्द्दा उपलब्ध करून दिला गेला.

हे अभंग अतिशय सुंदर वाद्यवृंद आणि साउंड सिस्टीमच्या साथीने जेव्हा प्रत्यक्ष गायले गेले, तेव्हा ते अभंग ऐकताना प्रत्येक श्रध्दावान सदगुरु भक्तिभाव चैतन्यात चिंब भिजून गेला होता. ह्या अभंगांमधून प्रत्येक श्रध्दावान मनाने सदगुरुंशी अधिक घट्टपणे जोडला गेला आणि हे सुंदर अभंग ऐकताना प्रत्येक श्रध्दावानाने त्याच अनिरुध्द प्रेमसागराचे भावतरंग प्रत्यक्षात अनुभवले.

आता होणारा महासत्संग सोहळा म्ह्णजे भक्तिभाव चैतन्याची अमर्याद व्याप्ती, श्रध्दावानांचा आपल्या सद्‌गुरुंवरील शुध्द प्रेमाचा उत्सव या सगळ्याचे आपण प्रत्येकजण साक्षीदार होणार आहोत हे नक्की!

रक्तदान शिबीर

सदगुरु श्री अनिरुध्द आपल्या श्रध्दावान मित्रांना समाजाची नि:स्वार्थ, निरपेक्ष सेवा करण्यासाठी नेहमीच प्रोत्साहित करीत असतात आाणि रक्तदान ही अशाच निरपेक्ष सेवांमधील एक अत्यंत महत्त्वाची सेवा आहे.

मागील महिन्यात महाराष्ट्र राज्यातील आमच्या सर्व उपासना केंद्रांनी रक्तदान शिबीर आयोजित केले.

श्रध्दावान खूप मोठ्या संख्येने ह्या उदात्त कारणासाठी आनंदाने सहभागी झाले व त्यांनी रक्तदान केले. त्या संबंधीचा तपशील खालील प्रमाणे आहे :

पाली वैद्यकीय आणि आरोग्य शिबीर

श्री अनिरुध्द उपासना फांउडेशनतर्फे ह्या वर्षी पाली येथील सुधागड तालुक्यामध्ये पाली वैद्यकीय आणि आरोग्य शिबीर आयोजित केले होते. चिवे, पडसरे आणि वाव्हलोली येथील शाळांमधील ११२२ विद्यार्थी हजर होते आणि त्यांनी आरोग्य व वैद्यकीय सुविधांचा लाभ घेतला. आपल्या सीएसआर टीममधून २९ डॉक्टर व पॅरामेडिकल टीम आणि एकूण १४८ कार्यकर्त्यांनी सहभाग घेतला. यावेळी त्यांना स्थानिक कार्यकर्त्यांनीही सहाय्य केले.

अल्फा टू ओमेगा न्युजलेटर – मासिक संस्करण

वर्ष ५ | अंक १ | डिसेंबर २०१९ | ३

अल्फा टू ओमेगा न्युजलेटर – मासिक संस्करण

अनिरुध्दाज अ‍ॅकॅडमी ऑफ डिझास्टर मॅनेजमेंट (एएडीएम)