Home / Marathi / प्रत्यक्षचा नववर्षविशेषांक – “मी पाहिलेला बापू” ( Pratyaksha new year’s issue Mi Pahilela Bapu

प्रत्यक्षचा नववर्षविशेषांक – “मी पाहिलेला बापू” ( Pratyaksha new year’s issue Mi Pahilela Bapu

श्रीदत्त जयंती विशेषांकानंतर लगेचच दैनिक प्रत्यक्षचा अजून एक येणारा विशेषांक म्हणजे नववर्षविशेषांक जो उद्या प्रकाशित होत आहे. गेल्या वर्षाच्या दैनिक प्रत्यक्षच्या नववर्ष विशेषांकाचा विषय होता, “मी पाहिलेला बापू”. ह्या विशेषांकाला मिळालेल्या अफाट प्रतिसाद आणि डॉ. अनिरुध्दांविषयी अधिकाधीक जाणून घेण्याचे अधिकच वाढलेले वाचकांचे कुतूहल, यातूनच या वर्षाचा नववर्षविशेषांक देखील गेल्या वर्षीच्याच विषयास वाहिला आहे; तो म्हणजेच “मी पाहिलेला बापू”. १ जानेवारी २०१२च्या “मी पाहिलेला बापू” या अंकातील काही निवडक गोष्टी येत्या नव्यावर्षात या ब्लॉगवर देण्याचा विचार आहे.

बापू


बापू

मला खात्री आहे की प्रत्येक श्रध्दावानासाठी हा अंक अमूल्य ठेवा असेल. गेल्या वर्षीच्या अंकातून बापूंच्या व्यक्तिमत्वाचे अनेक पैलू आपल्याला अत्यंत वेगळ्या प्रकारेच उघड झाले होते. ह्या अंकात देखील तशीच नूतनता व नवलाई सर्व वाचकांना नक्कीच अनुभवायास मिळेल. बापूंच्या व्यक्तिमत्वाचे अनेक पैलू ह्या अंकात आपल्याला बघावयास मिळतील याची मला खात्री आहे. पावित्र्य हेच प्रमाण ह्या चौकटीत राहुन देखील खेळ, कला, साहित्य, मनोरंजन इत्यादी गोष्टी कुटुंबासहीत सहजपणे सांभाळायच्या व त्यांचा निखळ आनंद घ्यायचे ह्याचे परिपूर्ण उदाहरण म्हणजे बापू. त्याच शिवाय अविरत कष्ट, सखोल अभ्यास, अफाट व्यासंग, आपल्या आसपासच्या परिस्थितीचे निरीक्षणोत्तर अचूक विश्‍लेषण, योग्य व्यायाम, इत्यादी गोष्टीं आपल्या जीवनात उतरवून आपले जीवन समृध्द बनवण्याचे सर्वात मोठे उदाहरण म्हणजे बापू. बापूंच्या समर्थ व्यक्तिमत्वाविषयीचा हा अंक नववर्षाला मिळणे म्हणजे प्रत्येक श्रध्दावान बापू मित्रांसाठी सुवर्णसंधी आहे हे निश्‍चीत.

प्रत्येक श्रध्दावान बापू भक्ताला माझ्या नववर्षाच्या हार्दिक शुभेच्छा. मागच्या गुरुवारी श्रीदत्तजयंतीच्या दिवशी बापूंनी श्रीमातृवात्सल्य उपनिषद सर्व श्रध्दावानांना अर्पण करुन येणार्‍या काळासाठी सर्व श्रध्दावानांची सोय केली व त्याच बरोबर बापूंनी आपल्या श्रध्दावान मित्रांना या नव वर्षा करताच नव्हे तर प्रत्येक जनमाच्या प्रत्येक क्षणाकरता कायमच्या शुभेच्छा दिल्या आहेत. श्रीदत्तजयंतीला बापूंनी दिलेल्या ह्या शुभेच्छांची क्लिपिंग सोबत देत आहे.

4 comments

  1. हरी ॐ दादा,
    बापूंना समजणं आणि त्यांच्या व्यक्तिमत्वाचे सगळे पैलू जाणून घेणे हे कुणालाही अशक्य आहे कारण प्रत्येकाला बापूंचे वेगळे अनुभव असतात. सद्गुरु आणि भक्त या नात्याव्यतिरिक्त बापू कार्याच्या माध्यमातून वेगवेगळ्या क्षेत्राच्या लोकांशी जोडले गेले आहेत आणि ह्या प्रत्येकाचा अनुभव हा unique आहे, त्यांनी पाहिलेला बापू सुद्धा unique आहे. त्यामुळे “मी पाहिलेला बापू” वाचणे म्हणजे बापूंना ‘अनुभवणे’ असते. म्हणून, “मी पाहिलेला बापू” ही प्रत्यक्ष ची केवळ पुरवणी न रहाता बापूंच्या सर्व श्रद्धावान मित्रांसाठी एक पर्वणी ठरते .

  2. समीरदादा, सर्वप्रथम आपणांस आणि आपल्या परिवारास नवीन वर्षाच्या अनेक शुभेच्छा. गेले अनेक दिवस दैनिक प्रत्यक्ष च्या मुखपृष्ठावर ‘ मी पाहिलेला बापू ‘ हा विशेषांक प्रसिद्ध होणार म्हटल्यावर उत्सुकता अतिशय शिगेला पोचली होती आणि मला आपल्याला माझी हि प्रतिक्रिया देण्यास अतिशय आनंद होतो आहे कि आम्हा सर्वांच्या अपेक्षेपेक्षा जास्त बापू आम्ही आज या अंकामधून पहिला. जीतेन्द्रजींचा लेख असो किंवा खट्याळ अनिरुद्धच्या बाललीला अनुभवलेल्या पराडकर बाई असोत, एक निष्णात डॉ स्वत: असून, स्वतच्या क्षेत्रात स्वतःला मर्यादित न ठेवताना होमेओपथिचे विद्यार्थी असलेली डॉ जोशी असोत किंवा एका निष्णात कराटेपटुला बल विद्या शिकवणारे एक तज्ञ प्रशिक्षक असोत, आजच्या अंकातून एक नवीन बापू आम्ही पहिला. बापू हे एक सर्वांग सुंदर व्यक्तिमत्व आणि खऱ्या अर्थी एक मायेचा आधार हे आपल्या बापूंचे अनोखे रूप आजच्या नववर्ष अंकाने आम्हाला दाखविले. आजचा अंक हा खरोखर एक उत्कृष्ठ मेजवानीच असून त्याची चव संपूर्ण वर्षभर आमच्या मनात रेंगाळत राहो हीच दत्तगुरूचरणी प्रार्थना.

  3. २०१२ हे अत्यंत महत्वाचे वर्ष सरता सरता बापूंनी दिलेली अनमोल भेट म्हणजे मातृवात्सल्य उपनिषद. पुढे येवू घातलेल्या भीषण काळात हाच आपल्यासाठी आधार असेल. आय लव यु बापू!
    हि भेट काय आणि बापूंनी दिलेल्या ह्या शुभेच्छा काय, सर्व काही हृदयाशी नित्य घट्ट धरून ठेवण्यासाठीच!
    मी पाहिलेला बापू हा विशेषांक नववर्षाच्या सकाळीच हाती पडणे ह्यासारखी दुसरी कुठली आनंददायी गोष्ट असूच शकत नाही. बापूंचे विविध पैलू ह्यातून पाहणे म्हणजे गुणसंकीर्तन श्रवणच आहे. आणि ह्याकरता आम्ही प्रत्यक्ष टीमचे आभारी आहोत.

  4. Hari Om Samirdada, navin varshachya ANIRUDDHA shubhechchha. aaj cha Pratyaksha cha anka kadhi vachte ase vatat hote. puravun puravun ani parat parat vachava asa ha ank. ajun purna vachun zala nahi pan agdich rahavat nahi mhanun lihite ki Santosh Bhivande ani Dr Kamlesh Suryavanshi yani mazya ladkya BAPUNbaddal je lihile aahe, te manala bhavle. tyancha pramanikpna ani niragasata shivay BAPUNbaddalcha akrutrim jivhala ani nishtha shabdashabdatun janavte.khoop khoop SHRIRAM. asa ank vachnyache bhagya keval tumchyamule ch tyamule tumhalahi SHRIRAM. anka purna vachun zalyavar dekhil parat ekda pratikriya lihaychi aahe.pan maze BAPU TYANCHYA baddal aikave, TYANA pahave ani TYANCHE gunsankirtan aikave ,vachave aani tyatach rangun jave hi ichchha thodishi tri purna hote aahe. khoop khoop aabhar.

Leave a Reply

Your email address will not be published. Required fields are marked *

*