इंग्रजी शिकण्यासाठी नंदाईंनी लिहिलेल्या पुस्तकांच्या प्रकाशनाच्या वेळी स्‌दगुरु बापूंनी केलेले भाषण

English   मराठी   ગુજરાતી  తెలుగు ಕನ್ನಡ தமிழ்

ला खात्री आहे की आतापर्यंत तुमच्यापैकी बहुतांश लोकांना माहीत झालं असेल की रविवार, दि. २५ ऑगस्ट २०१३ रोजी परमपूज्य बापू, नंदाई व सुचितदादांच्या उपस्थितीत, ’हॅपी इंग्लिश स्टोरीज’ ह्या सिरीज अंतर्गत स्वत: नंदाईंनी लिहिलेल्या ’साई फॉर मी’ ह्या पुस्तकांचा पहिला संच एका भव्य प्रकाशन सोहळ्याच्या निमित्ताने प्रकाशित झाला. नंदाईंच्या आत्मबल वर्गांमध्ये वरिष्ठ शिक्षिका व कार्यकर्ता सेवक म्हणून काम पाहणार्‍या श्रीमती दूर्गावीरा वाघ ह्यांच्या हस्ते ह्या पुस्तकांचे प्रकाशन झाले. ही पुस्तकं प्रकाशित करण्यामागे, नवशिक्या लोकांबरोबरच, ज्यांचे इंग्रजी भाषेवर बर्‍यापैकी प्रभुत्व आहे, अशा लोकांचीसुद्धा बोलीभाषा व लिखित भाषा सुधारण्याचा हेतू ठेवण्यात आला आहे. 

ह्या पुस्तकांच्या प्रकाशनाच्या निमित्ताने ’बुक्शनरी पब्लिशिंग हाऊसने’ प्रकाशन क्षेत्रात दिमाखात प्रवेश केला आहे. बुक्शनरी पब्लिशिंग हाऊसतर्फे पुस्तकांच्या स्वरूपात चांगल्या प्रतीचे, वैविध्यतेने भरलेले वाङमय उपलब्ध होईलच; शिवाय पुढील काळात सीडी, डीव्हीडी, ई-बुक्स व इतर आधुनिक सुविधा वापरून विविध विषयांवर वाचकसमुदायास उपयुक्त ठरेल अशा स्वरूपात वाङमय उपलब्ध होणार आहे. 

’रामराज्य’ ह्या विषयावर दृष्टीक्षेप टाकताना, बापूंनी ६ मे २०१० रोजी झालेल्या प्रवचनात अनेक प्रापंचिक व आध्यात्मिक मुद्दे मांडले होते ज्यांना वैयक्तिक स्तरावर, आप्त स्तरावर, सामाजिक स्तरावर, धार्मिक स्तरावर व जागतिक स्तरावर प्रत्यक्षात आणावयाचे आहे. त्यामध्ये बापूंनी एका खूप महत्त्वाच्या मुद्यावर आपल्या सर्वांचे लक्ष केंद्रित केले होते, ते म्हणजे संपर्क साधण्यासाठी ’चांगल्या प्रकारे इंग्लिश भाषेत बोलायला शिकणे’. 

आज जगाच्या व्यवहारामध्ये इंग्रजी भाषा ही संपर्कव्यवस्थेसाठी सर्वात जास्त वापरण्यात येणारी भाषा आहे. आजच्या घडीला कुठलाही व्यवहार करण्यासाठी संपर्कव्यवस्था ही चोख असावीच लागते. त्यामुळे आज ना उद्या लोकांसाठी इंग्रजी भाषेशिवाय दुसरा पर्याय उरणार नाही. आज इंग्रजी ही बोली भाषा नसणार्‍या देशांमध्येही मोठमोठ्या बॅनरच्या कंपन्यांनी इंग्रजी भाषेशी जुळवून घ्यायला कधीच सुरुवात केली आहे. आमची इंग्रजी भाषा ही जर ओघवती नसेल, तर आमचा जगाच्या व्यवहारामध्ये टिकाव लागणार नाही; मग भले आमच्याकडे कितीही मोठ्या डिग्री असतील. आज सॉफ्टवेअर प्रोग्रॅमिंग क्षेत्रात भारत चीन पेक्षा सरस ठरतोय त्याचे कारण हेच की भारतीय प्रोग्रॅमर्सचे चिनी माणसांपेक्षा इंग्रजी भाषेवर जास्त प्रभुत्व आहे. 

२००५ साली दैनिक ’प्रत्यक्ष’ जेव्हा पहिल्यांदा प्रकाशित झाला, तेव्हा बापूंनी स्पष्टपणे सांगितले होते की बदलत्या काळातील परिस्थितीशी अनभिज्ञ असणे म्हणजे अंधारात जगण्यासारखे आहे आणि अंधार हा नेहमीच घातक असतो. त्याने आपले जीवन उद्ध्वस्त होऊ शकते. म्हणूनच सर्व श्रद्धावानांच्या भल्यासाठी डॉ. (सौ.) नंदा अनिरुद्ध जोशींनी (आपल्या लाडक्या नंदाईंनी) इंग्रजी भाषा शिकण्यासाठी, सुधारण्यासाठी आणि फुलवण्यासाठी ह्या पुस्तकांचा संच प्रकाशित केला आहे. ह्या पुस्तकांची आखणी अशा प्रकारे केली गेली आहे की नवशिक्या माणसाला ती समजण्यासाठी सोपी आहेतच, शिवाय रोजच्या व्यवहारात त्यांचा वापर करणेही सुलभ होणार आहे. ज्यांचे इंग्रजी भाषेवर प्रभुत्व आहे, अशा लोकांसाठीसुद्धा ही पुस्तकं उपयुक्त ठरणार आहेत. 

ही पुस्तकं श्रीअनिरुद्ध गुरुक्षेत्रम येथे विक्रीसाठी उपलब्ध आहेतच; शिवाय इच्छुक श्रद्धावान www.aanjaneyapublications.com ह्या साईटवरही पुस्तकं ऑर्डर करू शकतात.

Published at Mumbai, Maharashtra – India

Related Post

4 Comments


  1. Hari Om..
    Param Pujya Aaplya Laadkya Nandaai Mhanataat..
    Dhyeya Mothe Assave Parantu Te Gaathnyasaathichya Paayrya Maatra Lahaan Lahaan Asaayla Havet..
    Ambadnya..


  2. Truely English has become the need of the hour… May it be a corporate career or buisness growth… ‘Fluent English’ is very important


  3. हरि ॐ पुज्य दादा,
    तुम्ही २६ ऑगष्टला ’इंग्रजी भाषा शिकण्यासाठी नंदाईंनी लिहीलेल्या पुस्तकांचे प्रकाशन’ ही पोस्ट टाकली….. तेव्हापासून आम्ही सर्व जण त्या पुस्तकांची आतुरतेने वाट बघत होतो…. आणि तो वाट बघण्याचा काळ संपला व आम्हाला पुस्तके हातात मिळाली…. काय आनंद होता तो….. खूप अधीरता वाटत होती….. कधी घरी जाते आणि उघडून एक एक पुस्तक बघते असे वाटत होते….
    बघा कसे आहे ना… शाळेपासून इंग्लिश हा माझा नावडता विषय होता….. त्याविषयाबद्दल कधी आपलेपणा असा वाटलाच नाही…. त्यामुळे त्या विषयापासून मी लांबच जात होते… आणि मी पुढे त्या इंग्लिश विषयाला हाकलूनच लावले…. मराठीतूनच पुढचे शिक्षण केले…. आजपर्यंतही मी त्या विषयाला खूप लांबच ठेवत होती…. इंग्लिशमध्ये असले म्हणजे मग मला नको….. मग इंग्लिशही मला दूरच ठेऊ लागले…. व्हायचा तोच परिणाम झाला….
    पण आता तसे नाही आईने आमच्यासाठी अथक प्रयत्न करून ह्या पुस्तकांचा संच तयार केला….एखादी गोष्ट करायची आईने ठरविले की मग ती कसे अतोनात कष्ट घेत असते याची आम्हाला जाणिव आहे…. आम्ही जर त्या पुस्तकांचा उपयोग करुन घेतला तरच तिला बरे वाटेल नाही का?….. तिने आम्हाला दिलेल्या संधीचा आम्ही नक्कीच करून घेणारच पेक्षा तिच आमच्याकडून करून घेणार आहे….
    आता मला त्या इंग्लिशची भिती बाळगायची गरजच नाही कारण प्रत्येक पुस्तकांच्या वाचनाबरोबर ती स्वत:च आपल्याला इंग्लिश शिकवायला आलेली असणार…. मस्तच…..
    आणि दादा तुम्ही वरील व्हिडीओ ब्लॉगवर पोस्ट केल्यामुळे आम्हा सर्वांना हव्या तितक्या वेळा इंग्लिश विषयी बापूंचे भाषण ऐकायला मिळणार…. आणि परत परत इंग्लिश शिकण्याचे मोटीवेशन मिळत राहणार….. खूप खूप अंबज्ञ…..

Leave a Reply